Tōgō (Aichi)

Tōgō
Tōgō; 東郷町
	Shaharcha
	; Bayroq ; Gerb
	35°5′47.9″N 137°3′9.1″E / 35.096639°N 137.052528°E
Mamlakat	Yaponiya
Viloyat	Chubu viloyati; Tokai viloyati
Prefektura	Aichi
Yaponiya tumanlari\|tuman	Ama
Asos solingan	1889-yil 1-aprel
Maydon	18.03 km2 (6.96 kv mi)
Rasmiy til(lar)i	yapon
Aholisi (2019-yil 1-oktyabr)	44 109
Zichligi	2400 kishi/km2
Vaqt mintaqasi	UTC+9:00
Telefon kodi	0561-38-3
	Tōgō

Tōgō (yaponcha: 東郷町 Tōgō-chō^?) Yaponiyaning Aichi prefekturasining Aichi tumanida joylashgan shaharchadir. 2019-yil 1-oktabr holatiga ko‘ra, shaharchada 17792 ta xonadonda 44109 nafar aholi istiqomat qiladi va aholi zichligi har kvadrat kilometrga 2446 nafarni tashkil qiladi^[1]. Shaharning umumiy maydoni 18,03 kvadrat kilometr (6,96 mi²) ga teng.

Geografiyasi

Tōgō Aichi prefekturasining taxminan jugʻrofiy markazida, Nagoya poytaxtidan sharqida joylashgan. Hudud bir qator golf maydonlari, jumladan, The Crowns golf turniriga mezbonlik qiluvchi Nagoya golf klubining Wago kursi mavjudligi bilan ham ajralib turadi.

Qoʻshni munitsipalitetlar

Aichi prefekturasi
- Nagoya — Midori-ku
- Nisshin
- Kariya
- Toyoake
- Miyoshi

Demografiyasi

Yaponiya aholini roʻyxatga olish maʼlumotlariga koʻra^[2], Tōgō aholisi soni soʻnggi 70 yil ichida tez sur’atlarda oʻsib bormoqda.

Aholining oʻsishi
Yil	Aholi	±%
1940	4,241	—
1950	5,469	+29.0%
1960	6,2	+13.4%
1970	11,509	+85.6%
1980	22,125	+92.2%
1990	30,446	+37.6%
2000	36,878	+21.1%
2010	41,823	+13.4%

Iqlimi

Shahar iqlimi issiq va nam yoz hamda nisbatan yumshoq qish bilan tavsiflanadi (Köppen iqlim tasnifi Cfa). Tōgō da oʻrtacha yillik harorat 15,7 °C ni tashkil etadi. Yillik oʻrtacha yogʻin miqdori 1593 mm boʻlib, sentyabr esa eng seryogʻin oy hisoblanadi. Avgustda eng yuqori harorat 28,0 °C atrofida, eng past harorati esa yanvarda 4,2 °C atrofida boʻladi^[3].

Tarixi

Morova va Haruki qishloqlari 1889-yil 1-oktyabrda zamonaviy munitsipalitetlar tizimining tashkil etilishi bilan Aichi okrugi tarkibida tashkil etilgan. 1906-yil 10-mayda shahar qishloqlari birlashib, Tōgō qishlogʻini barpo etdi. 1970-yil 1-aprelda u shaharcha maqomiga koʻtarildi.

Iqtisodiyoti

Tōgō asosan yengil sanoatga ega mintaqaviy savdo markazi hisoblanadi. Nagoya metropolisiga yaqinligi tufayli u tobora shaharga aylanib bormoqda.

Taʼlim tizimi

Tōgōda oltita davlat boshlangʻich maktabi hamda shahar hukumati tomonidan boshqariladigan uchta davlat oʻrta maktab va Aichi prefekturasi taʼlim kengashi tomonidan boshqariladigan bitta davlat yuqori taʼlim maktabi faoliyat yuritadi. Shuningdek, shaharda xususiy oʻrta maktab ham mavjud.

Transport

Temir yoʻl

Tōgō shahrida yoʻlovchi temir yoʻl xizmati mavjud emas. Eng yaqin poezd stansiyasi — qoʻshni Nisshin shahridagi Meitetsu Toyota liniyasidagi Komenoki stansiyasi hisoblanadi.